Fy nosbarth Tsieinëeg cynta

[smmg]

Neithiwr, es i i ddosbarth Tsieinëeg Mandarin yn fy mhrifysgol! Rwy eisiau dysgu Tsieinëeg ers talwm, ac ro'n i wedi cyffroi iawn i fynd i'r wers.

Yn gynta, edrychon ni ar y tonau yn Tsieinëeg. Mae gyda Tsieinëeg bedwar tôn sy'n dangos codi/disgyn/ayyb yng nghywair y llafariad, ac un tôn niwtral. Dangosir nhw gydag acenion yn Pinyin (modd ysgrifennu Tsieinëeg yn y wyddor Lladin):

• ā - tôn 1, fflat ac uchel
• á - tôn 2, yn codi
• ǎ - tôn 3, yn disgyn ac wedyn yn codi
• à - tôn 4, yn disgyn
• a - tôn 5, niwtral

Dyma diagram er mwyn helpu deall a delweddu'r tonau (ffynhonnell):




Dwedodd ein athrawes wrthon ni beidio â becso gormod am y tonau ar hyn o bryd, ond rwy wastad eisiau gwneud popeth yn berffaith y tro cynta!

Wedyn, gwylion ni ganeuon Tsieinëeg ac yn dysgu ymadroddion syml.

• 你好 (nǐ hǎo) - helo
• 再见 (zàijiàn) - hwyl fawr
• 早上好 (zǎoshàng hǎo) - bore da
• 晚上好 (wǎnshàng hǎo) - noswaith dda
• 晚安 (wǎn'ān) - nos da
• 谢谢 (xièxiè) - diolch
• 不客气 (bú kèqi) - croeso (ymateb i "diolch")
• 对不起 (duìbùqǐ) - mae'n flin gyda fi, esgusoda fi
• 没关系 (méiguānxi) - paid â becso amdano fe, does dim ots
• 你姓什么? (nǐ xìng shénme?) - beth yw dy gyfenw?
• 你叫什么? (nǐ jiào shénme?) - beth yw dy enw cynta?
• 我姓 ... (wǒ xìng ...) - ... yw fy nghyfenw
• 我叫 ... (wǒ jiào ...) - ... yw fy enw cynta
• 中文 (zhōngwén) - Tsieinëeg
• 是 (shì) - bod
• 我 (wǒ) - fi
• 你 (nǐ) - ti
• 您 (nín) - chi
• 他 (tā) - fe (person)
• 她 (tā) - hi (person)
• 它 (tā) - fe, hi (eitem)
• 我的 (wǒde) - fy

Rwy'n edrych ymlaen at ddysgu gramadeg Tsieinëeg yn y dyfodol. Rwy'n gwybod yn barod nad yw Tsieinëeg yn rhedeg berfau ar sail amser, ac mae diddordeb mewn dysgu mwy gyda fi. Hefyd, mae'r athrawes yn siarad Cymraeg, felly roedd e'n neis i ddefnyddio Tsieinëeg, Cymraeg, a Saesneg yn y dosbarth.